Sunny Leone : મારી સાસુ મારી ઓળખ આપતાં ક્ષોભ અનુભવતાં (કભી કભી)

નામ : સની લિયોન

જન્મ : તા.૧૩ મે ૧૯૮૧જ

ઉંમર : ૩૧ વર્ષ

રાષ્ટ્રીયતા : કેનેડિયન/અમેરિકન

જાતિ : પંજાબી

ઊંચાઇ : ૫ ફૂટ ૪ ઇંચ

પતિ : ડેનિયલ વેબર

કુલ એડલ્ટ ફિલ્મસ : ૩૮ (એક્ટ્રેસ તરીકે)

દિગ્દર્શન : ૩૯ એડલ્ટ ફિલ્મો

'જિસ્મ-૨' પછી એડલ્ટ ફિલ્મની એકટ્રેસ સની લિયોન હવે ઇમેજ બદલી શકશે?
પોર્ન ફિલ્મ એકટ્રેસ તરીકે જાણીતી 'જીસ્મ-૨' ની હિરોઇન સની લિયોનની આ અધિકૃત ઓળખ છે. તેની વેબસાઇટ પર મુકાયેલી માહિતી અનુસાર તે બિઝનેસ વૂમન છે, મોડલે છે. કેનેડા, અમેરિકા ઉપરાંત હવે ભારતીય નાગરિકત્વ પણ ધરાવે છે. ૨૦૦૩માં તેને 'પેન્ટ હાઉસ' મેગેઝિનની 'પેટ' તરીકે જાહેર કરવામાં આવી હતી. વિવિધ એન્ટરટેઇનમેન્ટની પોર્ન ફિલ્મોની તે કોન્ટ્રાક્ટ સ્ટાર રહી ચૂકી છે. ૨૦૧૦ વર્ષની ટોપ ૧૦ પોર્ન ફિલ્મોમાં તેના પોર્ન અભિનયવાળી 'મેક્સિમ' ફિલ્મ પણ હતી. સની લિયોનનો જન્મ સાર્નિયા, ઓન્ટેરિયો ખાતે થયો હતો. તેના માતા-પિતા શીખ-પંજાબી છે. તેના પિતાનો જન્મ તિબેટમાં થયો હતો અને ઉછેર દિલ્હીમાં થયો હતો. તેની માતા સિરપુર, હિમાચલ પ્રદેશની હતી. માતાનું અવસાન થયેલું છે. લિયોનનું બચપણ કેનેડાના કાતીલ શિયાળાની કડકડતી ઠંડીમાં વીતેલું છે. કેનેડામાં તે આઇસ સ્કેટિંગ કરતી હતી. બચપણથી તેને ગાવાનો અને ડાન્સ કરવાનો શોખ હતો. તે એથલેટ પણ હતી. સ્ટ્રીટસમાં છોકરાઓ સાથે હોકી પણ રમતી હતી.
તે શીખ પરિવારનું ફરજંદ હોવા છતાં લિયોનને કેથલિક સ્કુલમાં દાખલ કરવામાં આવી હતી. પબ્લિક સ્કૂલ છોકરાઓ માટે સલામત નથી તેમ માનીને તેને કેથલિક સ્કૂલમાં મોકલવામાં આવી હતી. પરંતુ અહીં માત્ર ૧૧ વર્ષની વયે તેને પ્રથમ ચુંબન પ્રાપ્ત થયું હતું. ૧૬ વર્ષની વયે એક બાસ્કેટ બોલ પ્લેયર દ્વારા બીજી સ્કૂલમાં તેણે કૌમાર્ય ગુમાવ્યું હતું. ૧૮ વર્ષની વયે તેને લાગ્યું કે તે બાયસેક્સુઅલ છે. તેને છોકરીઓ અને છોકરા બેઉ ગમતા હતા. તે પછી તેનું પરિવાર કેનેડા છોડી અમેરિકા ચાલ્યુ ગયું હતું. અમેરિકામાં કેલિફોર્નિયાના મીશીગન ખાતેના ફોર્ટ ગ્રેટિઓટ ખાતે વસવાટ કર્યો હતો. ૧૯૯૯માં સ્કૂલનો અભ્યાસ પૂરો કરી તે કોલેજમાં દાખલ થઇ હતી.
પોર્નફિલ્મ ઇન્ડસ્ટ્રીમાં આવતા પહેલા તેણે જર્મન બેકરીમાં નોકરી કરી હતી. દરમિયાન તેણે પેડિયાટ્રીક નર્સનો અભ્યાસક્રમ ચાલુ કર્યો હતો. અહીં ભણતાં ભણતાં તે એક એક્સોટિક ડાન્સર કે જે તેનો ક્લાસમેટ હતો તેના સંપર્કમાં આવી હતી. એણે જહોન સ્ટિવન્સ નામના એજન્ટ સાથે મુલાકાત કરાવી હતી. એણે જે એલન નામના 'પેન્ટહાઉસ' મેગેઝીનના ફોટોગ્રાફર સાથે તેનો પરિચય કરાવ્યો હતો. એ પછી તેણે નગ્ન તસવીરો અને ફિલ્મો માટે મોડેલ કે એક્ટ્રસે તરીકે કારકિર્દી બનાવવાનો નિર્ણય કર્યો હતો. સની તેનું અસલી નામ છે પરંતુ લિયોન 'પેન્ટ હાઉસ' મેગેઝિનના પૂર્વ માલિક બોબ ગુચિઓને આપેલું નામ છે. 'પેન્ટહાઉસ'માં પ્રગટ થયેલી તેની પહેલી જ તસવીર બાદ તેને 'પેન્ટ હાઉસ પેટ' તરીકે નવાજવામાં આવી હતી. તે પછી માર્ચ ૨૦૦૧માં તેણે 'હસલ' નામના પોર્ન મેગેઝિન માટે નગ્નમુદ્રામાં તસવીર આપી હતી. એ મેગેઝિને તેને 'હસલર હની' ના બિરુદથી નવાજી હતી. તે પછી તે 'ચેટી', 'મિસ્ટીક', 'હાઇ સોસાયટી', 'સ્વાન્ક' 'લેગ વર્લ્ડ' અને 'લો રાઇડર' જેવા મેગેઝિનોમાં તેના ખૂબસૂરત જિસ્મથી છવાઇ ગઇ ગઇ.
૨૦૦૬ પછી તેણે 'વિવિડ એન્ટર ટેઇન્ટમેન્ટ' નિર્મીત પોર્ન ફિલ્મોમાં કામ કરવા કોન્ટ્રાક્ટ કર્યો હતો. હવે તે 'સંપૂર્ણ પોર્ન ફિલ્મ સ્ટાર બની ગઇ. પહેલી ફિલ્મમાં તેણે એક લેસ્બીયન યુવતીનો રોલ કરવા હા પાડી હતી.તેની પ્રથમ પોર્ન ફિલ્મનું નામ 'સની' હતું તે પછીની પોર્ન ફિલ્મનું નામ 'વર્ચુઅલ વિવિડ ગર્લ : સની લિયોન' હતું. આ ફિલ્મે બેસ્ટ ઇન્ટરેક્ટિવ ડીવીડીનો 'એવીએન એવોર્ડ' અપાવ્યો હતો. ૨૦૦૭માં તેણે પહેલી જ વાર એ જ કંપનીની એક પોર્ન ફિલ્મ માટે એક પુરુષ સાથે કેમેરા સમક્ષ આવવા હા પાડી હતી, પણ પુરુષ તેની પસંદગીનો યુવાન હતો. તે તેનો તે વખતનો ફિયાન્સ હતો. તેનું નામ મેટ એરિક્સન હતું. ફિલ્મનું ટાઇટલ હતું : 'સની લવ્સ પેટ' તેના કેટલાક સમય બાદ તેણે મેટ એરિક્સનનો છોડી દીધો હતો. તે પછી તેણે ટોની ગન, ચાર્લ્સ ડેટા, જેમ્સ ડીન, અને વુડુ નામના બીજા પુરુષ એકટર્સ સાથે પોર્ન ફિલ્મોમાં કામ કર્યું. એ પછી સની લિયોને પોતે જ પોર્ન ફિલ્મોનું નિર્માણ કરવા નિર્ણય લીધો હતો. તેણે ડેનિયલ વેબરની સાથે રહી એક સ્ટુડિયો પણ ઊભો કર્યો. એણે પોતે જ પોર્ન ફિલ્મો લખવાની, દિગ્દર્શન કરવાની અને એડલ્ટ ફિલ્મ નિર્માણ ક્ષેત્રે પોતાની બ્રાન્ડ ઊભી કરવાનો નિર્ણય લીધો. તેની પહેલી પોર્ન ફિલ્મ "ધી ડાર્કસાઇડ ઓફ ધી સન" હતી. ૨૦૦૭માં વિશ્વની ટોપ ૧૦૦ પોર્ન એકટ્રેસીસની યાદીમાં લિયોનને ૧૩મો નંબર મળ્યો હતો. તે પછી તે ફોક્સના રિયાલીટી શો માં આવી. એક મેગેઝિનને આપેલા ઇન્ટરવ્યૂ દરમિયાન તેણે એવો ઇશારો કર્યો કે, "બોલિવૂડમાં કામ કરવા હું ગંભીરતાથી વિચારુ છું." ડાયરેકટર મોહિત સુરી તેને ફિલ્મ "કલયુગ" માં લેવા માંગતા હતા પણ લિયોને એક્ટિંગ કરવા માટે એક મિલિયન ડોલર માંગતા દિગ્દર્શકે ના પાડી. ૨૦૦૯ની સાલમાં "નો મોર બુશ ગર્લ્સ" નામની ફિલ્મમાં પ્રેસિડેન્ટ બુશનો વિરોધ કરતા દૃશ્યો માટે તેણે નગ્ન દૃશ્યો આપ્યાં. તેણે બરાક ઓબામા માટે પ્રચાર કર્યો.
૨૦૧૧માં તે ભારતના રિયાલીટી શો "બિગ બોસ" માં આવી. કેટલાક લોકોએ કલર ટી.વી. સામે પોર્નોગ્રાફીનો પ્રચાર થતો હોવાની ફરિયાદ કેન્દ્ર સરકારને કરી. ભારતની ટીવી ચેનલ પર એક પોર્ન સ્ટાર આવી છે તે જાણતાં જ બે દિવસમાં તેની ફેસ બુક પર હજારો ફોલોઅર્સ ઊભા આવી ગયા. આ સમય દરમિયાન દિગ્દર્શક મહેશ ભટ્ટ 'બિગ બોસ' માં પ્રવેશ્યા અને તેમણે લિયોનને 'જિસ્મ-૨' ફિલ્મમાં લીડ રોલની ઓફર કરી.
સની લિયોન હાલ હોલિવૂડ, કેલિફોર્નિયામાં રહે છે. તેની પાસે Audi A 5 કાર છે. ડેનિયલ વેબર સાથે તેણે લગ્ન કર્યું છે.
સની લિયોને ‘Eye Weekly' નામના મેગેઝિનને આપેલા ઈન્ટરવ્યૂ દરમ્યાન કહ્યું હતું કે, હું શીખ પ્રણાલિકાઓને જાળવી રાખી રહી છું. પણ તે થિયરીમાં પ્રેક્ટિસમાં નહીં ! હું દર મંદિરે ધાર્મિક સ્થળે જતી હતી. પણ મારા માતા-પિતાને પણ ખ્યાલ આવી ગયો હતો કે હું સ્વતંત્ર વિચારની છોકરી છે. જો તેમણે મને રોકવા કોશિશ કરી હોત તો તેમણે તેમની દીકરી ગુમાવી હોત. હું બહુ સખ્ત મિજાજની છું. હું મારી કારકિર્દીને આગળ ને આગળ લઇ જવા માંગુ છું." સની લિયોન કહે છે : 'મારું પરિવાર હું જેવી છું તેવી જ રીતે મને સ્વીકારે છે અને ચાહે છે. કોઇ માતા-પિતા તેના બાળક પ્રત્યેની ચાહત બંધ કરી શકે નહીં. હા, હું પોર્નોગ્રાફી ચાલુ રાખુ તેમ તેઓ ઇચ્છતા નથી. પણ હું તેમને મારી યોજનાઓ બતાવું છું અને કહું છું કે હું જે કામ કરું છું તે અત્યંત મહત્ત્વપૂર્ણ છે. હું તેમને કહું છું કે, હું અત્યંત સુખી છું, જે તમે પણ ઇચ્છો છો."
તાજેતરમાં જ તેણે મુંબઇના એક અંગ્રેજી અખબાર સાથેની મુલાકાતમાં કહ્યું : "હું જે છું તે છું. હું જાણું છું કે, ઇમેજની ચિંતા કરવાવાળાઓને હું એક પોર્ન સ્ટાર લાગુ છું પરંતુ એક એડલ્ટ એકટ્રેસ હોવા બદલ મને કોઇ જ શરમ નથી. હું જે કાંઇ કરું છું તેનો મને કોઇ ક્ષોભ નથી. બોલિવૂડની "જિસ્મ-૨" ફિલ્મ પછી એવા લોકો મને એડલ્ટ મૂવી સ્ટારના બદલે બોલિવૂડ એકટ્રેસ તરીકે વધુ સ્વીકારશે. ડેનિયલ વેબર સાથે લગ્ન બાદ મારી સાસુ તેમનાં મિત્રોને મારી ઓળખ આપતા ક્ષોભ અનુભવતાં હતા. હું એ વાત પણ જાણું છું કે એડલ્ટ મૂવી સ્ટારના લેબલથી જલદી છુટકારો મેળવવો મુશ્કેલ છે, પણ હવે હું બીજી બોલિવૂડ ફિલ્મોમાં પણ કામ કરવાની છું.'
સની લિયોને તાજેતરમાં જ તેના પતિ ડેનિયલ વેબર સાથે મુંબઇ આવી હતી. એક ફાઇવ સ્ટાર હોટલના બેન્કવેટ હોલમાં અનેક કેમેરામેન તેની તસવીરો લેવા બે કલાકથી રાહ જોઇ રહ્યા હતા. તેના પતિ સાથે હાથમાં હાથ પરોવીને આવી હતી. એ વખતે એણે કહ્યું હતું : "મારામાં બિઝનેસ કરવાની ટેલન્ટ પહેલેથી જ હતી, એક મિત્રએ મને એડલ્ટ ફિલ્મ ઉદ્યોગ સાથે પરિચય કરાવ્યો હતો. મને તેમાં તક દેખાઇ. ત્યારે મને એ જ વિચાર આવ્યો હતો કે, "શું પૈસા બનાવવા માટે આ બધું જ કરવાનું ?"
સની લિયોનને ભલે એડલ્ટ ફિલ્મોમાં કામ કર્યું પરંતુ તેમાં પણ તેણે એવોર્ડસ મેળવ્યા છે.તેનો પતિ ડેનિયલ વેબર અત્યંત સમજદાર પુરુષ અને ગિટારવાદક છે. તેઓ સ્કૂલમાં ભણતાં હતાં ત્યારથી એકબીજાને ચાહતા હતા. ડેનિયલ કહે છે : "મહિનાઓ સુધી હું લિયોનને ફૂલ મોકલતો રહ્યો તે પછી તે મારી સાથે ડેટ પર આવવા સંમત થઇ હતી. ડેનિયલ વેબરનું પરિવાર રૂઢીચુસ્ત યહૂદી છે. ડેનિયલ કહે છે : "મારા લિયોન સાથે લગ્ન થયાં ત્યારે મારી માની ફરિયાદ હતી કે હું મારી સખીઓને મારી પુત્રવધૂ કોણ છે તે કહી શકતી નહોતી પરંતુ હવે 'જિસ્મ-૨' ફિલ્મ પછી બધું બદલાઇ જશે એમ હું માનુ છું"
સની લિયોન કે જેનું અસલી નામ કરેન મલ્હોત્રા છે, તે કહે છે : "જિસ્મ-૨ એ પોર્ન ફિલ્મ નથી. મારે જ્યાં જ્યાં દેહ ઢાંકવો પડે ત્યાં ત્યાં મેં કવર અપ કર્યું જ છે."
અલબત્ત, આ વૃતાંત વાંચ્યા પછી 'જિસ્મ-૨' કોઇ શ્રેષ્ઠ ફિલ્મ છે તેમ સમજવાની જરૂર નથી. તેના પોસ્ટરો વિવાદાસ્પદ છે અને મહેશ ભટ્ટ સની લિયોન જેવી પોર્ન સ્ટારને કલાકાર બનાવી કમાણી કરી લેવા માંગે છે. સાથે-સાથે પૂર્વ અને પાશ્ચાત સંસ્કૃતિની આડબીડમાં અટવાયેલી એક ભારતીય સ્ત્રી તેની ઇમેજ બદલવા મથી રહી છે.

- દેવેન્દ્ર પટેલ